Чингис хаан банк хувь нийлүүлсэн хөрөнгөө 15.0 тэрбум төгрөгөөр нэмэгдүүллээ

Чингис хаан банк нь активын чанарыг сайжруулах, эрсдэл даах чадварыг дээшлүүлэх, өөрийн хөрөнгийн хүрэлцээний үзүүлэлтийг нэмэгдүүлэх зорилго тавин ажиллаж өнгөрөгч онд хувь нийлүүлсэн хөрөнгөө 10.0 тэрбум төгрөгөөр нэмэгдүүлж нийт 50.0 тэрбум төгрөгт хүргэсэн билээ. 

Манай банк нь Монголбанкны Ерөнхийлөгчийн 2017 оны 10 дугаар сарын 30-ны өдрийн А-276 тоот тушаалын дагуу Банкны хувь нийлүүлсэн хөрөнгийн хэмжээг 2021 онд багтаан 100.0 тэрбум төгрөгт хүргэхээр төлөвлөгөө боловсруулан ажиллаж байгаа бөгөөд энэ төлөвлөгөөний хүрээнд 2018 оны 5 дугаар сарын 31-нд дүрмийн сангаа 15.0 тэрбум төгрөгөөр нэмэгдүүлж, Монголбанкнаас зөвшөөрлөө хүлээн авлаа. 

Хувь нийлүүлсэн хөрөнгөө нэмэгдүүлснээр Олон улсын валютын сан /ОУВС/, Монгол улсын Засгийн газрын хамтран хэрэгжүүлж байгаа “Өргөтгөсөн санхүүжилтийн хөтөлбөр”-ийн хүрээнд хийсэн Активын чанарын үнэлгээний дагуу хэрэгжүүлэх Өөрийн хөрөнгийн хүрэлцээний үзүүлэлтийг хангаж ажиллах төлөвлөгөөгөө хугацаанаас нь өмнө хэрэгжүүлж байгаа юм.

Чингис хаан банк нь 2018 оны 5 дугаар сарын 31-ний өдрийн байдлаар Өөрийн хөрөнгийн хүрэлцээний үзүүлэлтийг 14.86 (>12%), Төлбөр түргэн гүйцэтгэх чадварын үзүүлэлтийг 31.04 (>25%) хувиар тус тус ханган ажиллаж буй үндэсний хөрөнгө оруулалттай банк болж үйл ажиллагаагаа явуулж байгааг дуулгахад таатай байна.

Чингис хаан банкны нэр хүндийг ажил үйлсээрээ өндөрт өргөн банкны үйлчилгээг хүртээмжтэй хүргэхийн төлөө хичээл зүтгэл гарган ажиллаж буй банкны нийт ажилтнууддаа, бидэнд итгэл хүлээлгэн сонгон үйлчлүүлдэг эрхэм харилцагчид, бизнесийн түншүүд, биднийг үргэлж дэмжин ажилладаг хувьцаа эзэмшигчиддээ талархаж байгаагаа илэрхийлье.

Other information

Chinggis Khaan Bank to support “The Mongolian International Steppe Marathon-2018”

2018.10.22

Chinggis Khaan Bank is to organize “The Mongolian International Steppe Marathon 2018” on 19th August 2018 together with the representative office of Japan’s Showa Holdings Group in Mongolia.

Read more

Achilles Mongolia: Hope & Possibility Marathon-2017

2018.09.24

Chinggis Khaan Bank has sponsored public marathon Belief, Hope, Opportunity- Ulaanbaatar 2017

Read more

Special term mortgage loan (6%-8%)

2018.09.24

“KHAN HILLS” Residence apartment project is implemented by “Mogul Ibiz” LLC since 2014

Read more

Type search keyword